Amang Diyos na Makapangyarihan sa lahat,

Ikaw ay aming tunay na sinasamba at pinupuri sa Iyong taglay na kabutihan sa mga guro at batang BAESians.

​

Kami ay lubos na nagagalak sa iyong walang sawang paggabay sa bawat mag-aaral at mga gurong aming minamahal na paaralan.

​

Bilang inyong mga anak, kami ay patuloy na lumalapit at nanalangin na kami ay inyong patuloy na hubugin kawangis ng inyong dakilang Anak na si Hesus.

​

Dalangin ng aming mga puso na ang bawat batang BAESians ay maging isang mabuting mag-aaral, masunurin, magalang at matapat sa lahat ng oras.

​

Ilapit po ninyo ang aming paaralang Bagumbong sa inyong pagmamahal at pagpapala sa lahat ng oras.

​

Nawa'y ang aming paaralan ay gawin po ninyong isang lugar na may kapayapaan, pagkakaisa at pagmamahalan kasabay ng aming pagkatuto sa araw-araw ng aming buhay.

​

Ang lahat ng ito ay aming buong pusong isinasamo sa matamis na pangalan ng inyong anak na si Hesus, AMEN.